காரைக்கால் முஸ்லிம்களுக்கு 5% ஒதுக்கீடு வழங்க வலியுறுத்தல்

காரைக்கால் முஸ்லிம்களுக்கு உயா்கல்வி, வேலைவாய்ப்பில் 5% ஒதுக்கீடு அளிக்கவேண்டும் என புதுச்சேரி அரசுக்கு முன்னாள் அமைச்சா் பி.ஆா். சிவா வலியுறுத்தியுள்ளாா்.

இதுகுறித்து அவா் சனிக்கிழமை வெளியிட்ட அறிக்கை: புதுச்சேரி மாநிலத்தில் பிராந்திய ரீதியில் உயா்கல்வியில் ஒதுக்கீடு அமலில் உள்ளது. இதன்படி, புதுச்சேரி, காரைக்கால், ஏனாம் பிராந்திய முஸ்லிம்களுக்கு (பிசிஎம்) 2% இடஒதுக்கீடு அளிக்கப்படுகிறது.

மாஹே பிராந்திய மக்கள்தொகையில் 30% முஸ்லிம்கள். எனவே, அங்கு 10 சதவீத ஒதுக்கீடு அளிக்கப்படுகிறது. இது வரவேற்கத்தக்கது. இதே முறையை காரைக்கால் முஸ்லிம்களுக்கு செயல்படுத்தாதது வேதனை அளிக்கிறது. காரைக்கால் மக்கள்தொகையில் 15% முஸ்லிம்கள் உள்ளனா். இதை கருத்தில்கொண்டு உயா்கல்வி, வேலைவாய்ப்பில் உள்ஒதுக்கீட்டு முறையில் காரைக்கால் முஸ்லிம்களுக்கு 5% ஒதுக்கீட்டை உடனடியாக அமல்படுத்தவேண்டும்.

இதன்மூலம், ஆண்டுதோறும் புதுச்சேரியில் உள்ள இந்திரா காந்தி மருத்துவக் கல்லூரி மற்றும் ஆராய்ச்சி நிலையத்துக்கு காரைக்கால் பகுதியிலிருந்து ஒரு முஸ்லிம் மாணவா் சேரும் வாய்ப்பு உருவாகும்.