கன மழை: சென்னையில் போக்குவரத்து நெரிசல்

நேற்று இரவு விடிய விடிய கொட்டித் தீர்த்த கனமழையால் சென்னையின் பெரும்பாலான சாலைகளில் மழை நீர் தேங்கி நின்றது. மழை நீர் வடியாததால் சாலையில் வாகன ஓட்டிகள் பெரும் சிரமத்துக்கு உள்ளாயினர். சில இடங்களில் வாகனங்கள் பழுதாகி நின்றன. இரு சக்கர வாகன ஓட்டிகள் இதனால் பெரிதும் சிரமப் பட்டனர். மழை நீர் தாழ்வான பகுதிகளில் புகுந்துள்ளதால், மின் விநியோகம் சில இடங்களில் துண்டிக்கப்பட்டது.

சென்னையில் நுங்கம்பாக்கம், விமான நிலையம் ஆகிய பகுதிகளில் 7 செ.மீ. மழை அளவு பதிவானதாக வானிலை ஆய்வு மையம் தெரிவித்தது. இன்றும் நாளையும் கன மழை பெய்யக் கூடும் என்று அது தெரிவித்தது.

லண்டனில் இருந்து சென்னைக்கு இன்று காலை வந்த லுப்தான்ஸா விமானம், பெங்களூருக்கு திருப்பிவிடப்பட்டது.