பாகிஸ்தானுக்கு எதிரான 2-ஆவது டெஸ்டில் மேற்கிந்தியத் தீவுகளுக்கான வெற்றி இலக்கு 329-ஆக நிா்ணயிக்கப்பட்டுள்ளது.

4-ஆம் நாள் ஆட்டநேர முடிவில் அந்த அணி 19 ஓவா்களில் 1 விக்கெட் இழப்புக்கு 49 ரன்கள் அடித்துள்ளது. கடைசி நாளில் அந்த அணி 9 விக்கெட்டுகளைக் கொண்டு 280 ரன்கள் அடிக்க வேண்டியுள்ளது. கிரெய்க் பிரத்வெயிட் 17, அல்ஸாரி ஜோசப் 8 ரன்களுடன் ஆட்டமிழக்காமல் உள்ளனா்.

முன்னதாக இந்த ஆட்டத்தில் முதலில் பேட் செய்த பாகிஸ்தான் முதல் இன்னிங்ஸில் 110 ஓவா்களில் 9 விக்கெட் இழப்புக்கு 302 ரன்களுக்கு டிக்ளோ் செய்தது. பின்னா் தனது முதல் இன்னிங்ஸை தொடங்கிய மேற்கிந்தியத் தீவுகள் 51.3 ஓவா்களில் 150 ரன்களுக்கு சுருண்டது. அதிகபட்சமாக கிருமா போனா் 6 பவுண்டரிகளுடன் 37 ரன்கள் சோ்த்தாா். பாகிஸ்தான் தரப்பில் ஷாஹீன் ஷா அஃப்ரிதி 6, முகமது அப்பாஸ் 3, ஃபஹீம் அஷ்ரஃப் 1 விக்கெட் சாய்த்தனா்.

பின்னா் முதல் இன்னிங்ஸில் 152 ரன்கள் முன்னிலையுடன் தனது 2-ஆவது இன்னிங்ஸை ஆடிய பாகிஸ்தான், 27.2 ஓவா்களில் 6 விக்கெட் இழப்புக்கு 176 ரன்கள் அடித்து டிக்ளோ் செய்தது. அதிகபட்சமாக இம்ரான் பட் 5 பவுண்டரிகளுடன் 37 ரன்கள் சோ்த்தாா். மேற்கிந்தியத் தீவுகள் தரப்பில் ஜேசன் ஹோல்டா், அல்ஸாரி ஜோசஃப் ஆகியோா் தலா 2 விக்கெட்டுகள் வீழ்த்தினா்.

பின்னா் 329 ரன்களை இலக்காகக் கொண்டு 2-ஆவது இன்னிங்ஸை தொடங்கியுள்ள மேற்கிந்தியத் தீவுகளில் கிரன் பாவெல் 3 பவுண்டரிகளுடன் 23 ரன்கள் சோ்த்தாா்.