துப்பாக்கியால் சுட்டாலும் போராட்டம் ஓயாது: துரைமுருகன்

துப்பாக்கியால் சுட்டாலும் போராட்டம் ஓயாது என்று திமுக முதன்மைச் செயலர் துரைமுருகன் தெரிவித்துள்ளார். 

காவிரி மேலாண்மை வாரியம் அமைக்க வலியுறுத்தி திமுக உள்ளிட்ட தோழமை கட்சிகள் இன்று தமிழகம் முழுவதும் முழு அடைப்புப் போராட்டம் நடத்தி வருகின்றன. இதனிடையே வேலூர் காட்பாடியில் ரயில் மறியலில் ஈடுபட்ட திமுக முதன்மைச் செயலர் துரைமுருகன் கைது செய்யப்பட்டார். 

அப்போது செய்தியாளர்களிடம் பேசிய அவர், காவல்துறையை வைத்து தாக்கினாலும் சரி, துப்பாக்கியால் சுட்டாலும் சரி போராட்டம் ஓயாது. பாலுக்கு காவல் பூனைக்கு தோழன் என்பது போல் தமிழக அரசு உள்ளது. மத்திய அரசுக்கு காவலாகவும் எங்களுக்கு பூனையாகவும் இருக்கிறார் முதல்வர் என்றார்.