ஜெயலலிதாவை அவமரியாதையாக பேசுவதா? டி.டி.வி.தினகரனுக்கு அமைச்சர் கண்டனம்

முன்னாள் முதல்வர் ஜெயலலிதாவை அவமரியாதையாக பேசிய அமமுக துணைப் பொதுச்செயலர் டி.டி.வி. தினகரனுக்கு வருவாய் மற்றும் பேரிடர் மேலாண்மைத்துறை அமைச்சர் ஆர்.பி.உதயகுமார் கண்டனம் தெரிவித்தார்.

இதுகுறித்து ஞாயிற்றுக்கிழமை அவர் வெளியிட்டுள்ள செய்திக்குறிப்பு:  தமிழக முதல்வர், துணை முதல்வர் தொடங்கி அனைத்து அமைச்சர்களையும் அமமுக துணைப்பொதுச்செயலர் டி.டி.வி. தினகரன் மரியாதை குறைவாகவும், அடைமொழியிட்டும் அழைத்து தொடர்ந்து விமர்சித்தும் வருகிறார். 

மேலும் கடந்த அக்.30 ஆம் தேதி பசும்பொன் முத்து ராமலிங்கத்தேவர் குருபூஜை விழாவில் கட்டப்படிருந்க பேனர்களில் முத்துராமலிங்கத்தேவர், ஜெயலலிதா ஆகியோர் படங்களை தனது ஆட்கள் மூலம் சேதப்படுத்திவிட்டு, அந்தப் பழியை பொதுமக்கள் மீது சுமத்தி விட்டார்.

இந்நிலையில் டி.டி.வி.தினகரன் அன்மையில் நடைபெற்ற செய்தியாளர்கள் சந்திப்பின்போது, கட்சியின் நாளேட்டை பேசுவதுபோல முன்னாள் முதல்வர் ஜெயலலிதாவை அவமரியாதை செய்யும் விதமாக பேசியுள்ளார். இதனை ஜெ. பேரவை வன்மையாக கண்டிக்கிறது.

ஜெயலலிதாவை அவமரியாதையாக பேசியதற்கு டி.டி.வி.தினகரன் பகிரங்கமாக மன்னிப்பு கேட்க வேண்டும் என அவர் தெரிவித்துள்ளார்.