ராமதாஸ் அத்வாலே கருத்து பாஜகவின் கருத்தல்ல: அமைச்சர் ஜெயக்குமார்

பாஜகவுடன் அதிமுக கூட்டணி வைக்க வேண்டும் என்ற ராமதாஸ் அத்வாலே கருத்து பாஜகவின் கருத்தல்ல என்று அமைச்சர் ஜெயக்குமார் தெரிவித்துள்ளார். 

பாஜக - அதிமுக இடையே கூட்டணி ஏற்படும் என மத்திய அமைச்சர் ராமதாஸ் அத்வாலே புதுச்சேரியில் நேற்று செய்தியாளர்களை சந்தித்தபோது கூறியிருந்தார். அவரின் இந்த கருத்துக்கு மீன்வளத்துறை அமைச்சர் ஜெயக்குமார் பதிலளித்துள்ளார்.

இதுகுறித்து அவர் இன்று சென்னையில் செய்தியாளர்களுக்கு அளித்த பேட்டியில், 
தமிழகத்தில் அதிமுக - பாஜக கூட்டணி உறுதி என மத்திய அமைச்சர் ராமதாஸ் அத்வாலே கூறியது அவரது தனிப்பட்ட கருத்து, பாஜக கருத்து அல்ல. பாஜகவாக இருந்தாலும் அதிமுகவாக இருந்தாலும் கட்சித் தலைமைதான் கூட்டணி குறித்து முடிவெடுக்க முடியும். 

தமிழகத்துக்கு நல்லது செய்பவர்களோடு அதிமுக கூட்டணி அமைக்கும், தற்போதைக்கு யாருடனும் கூட்டணி இல்லை. அனைத்துக்கும் அதிமுக ஜால்ரா அடிக்காது. அன்னப்பறவை போல் பிரித்து பார்க்கும். 

மத்திய அரசின் சில திட்டங்களை எதிர்க்கிறோம், சில திட்டங்களை ஆதரிக்கிறோம். பாஜகவை விமர்சிக்கும் தம்பிதுரையின் கருத்து தனிப்பட்ட கருத்தே. அது அதிமுகவின் கருத்து அல்ல. இவ்வாறு அவர் கூறினார்.