மக்களவைத் தேர்தலில் பாமகவுக்கு மாம்பழம் சின்னம் ஒதுக்க தேர்தல் ஆணையம் முடிவு செய்துள்ளது.

மக்களவைத் தேர்தலில் அதிமுக கூட்டணியில் பாமக இடம்பெற்றுள்ளது. 7 மக்களவைத் தொகுதியையும் ஒரு மாநிலங்களவை இடத்தையும் பாமகவுக்கு அதிமுக ஒதுக்கியுள்ளது.

இந்நிலையில், மாம்பழம் சின்னம் கோரி தேர்தல் ஆணையத்திடம் பாமக கோரிக்கை வைத்தது. இதையடுத்து புதுச்சேரியில் அங்கீகரிக்கப்பட்ட கட்சியாக பாமக இருப்பதால் மக்களவைத் தேர்தலில் பாமக-வுக்கு மாம்பழம் சின்னம் ஒதுக்கலாம் என தமிழக தலைமைத் தேர்தல் அதிகாரிக்கு, இந்திய தேர்தல் ஆணையம் அறிவுறுத்தியுள்ளது.