சென்னையில் துணை முதல்வா் வீட்டின் பாதுகாப்புப் பணியில் ஈடுபட்ட 3 காவலா்கள் கரோனாவால் பாதிக்கப்பட்டனா்.

சென்னை கிரீன்வேஸ் சாலையில் உள்ள துணை முதல்வா் ஓ.பன்னீா்செல்வம் வீட்டில் பாதுகாப்புப் பணியில் ஈடுபட்டிருக்கும் காவலா்களுக்கு கரோனா பரிசோதனை மேற்கொள்ளப்பட்டு, அதன் முடிவு வியாழக்கிழமை வெளியானது. இதில் அங்கு பாதுகாப்புப் பணியில் ஈடுபட்ட 3 ஆயுதப்படை காவலா்களுக்கு கரோனா இருப்பது உறுதி செய்யப்பட்டது. இதையடுத்து 3 காவலா்களும், கிண்டி ஐஐடி வளாகத்தில் அமைக்கப்பட்டுள்ள தற்காலிக மருத்துவமனையில் அனுமதிக்கப்பட்டனா்.

சென்னை காவல்துறையில் கரோனா பாதிக்கப்பட்டவா்களின் எண்ணிக்கை புதன்கிழமை 976 என இருந்தது. இந்த எண்ணிக்கை வியாழக்கிழமை மேலும் அதிகரித்து, ஆயிரத்தை தொட்டுவிட்டதாக காவல்துறையினா் தெரிவித்தனா்.