பொங்கல் பண்டிகை: 31,491 பேருந்துகள் இயக்கப்படும்

பொங்கல் பண்டிகையை முன்னிட்டு, தமிழகத்தின் பல்வேறு பகுதிகளுக்கு 31,491 பேருந்துகள் இயக்கப்படும் என போக்குவரத்துத் துறை அமைச்சா் எம்.ஆா்.விஜயபாஸ்கா் தெரிவித்தாா்.

2021-ஆம் ஆண்டு பொங்கல் பண்டிகையை முன்னிட்டு, போக்குவரத்துத்துறையின் சிறப்பு ஏற்பாடுகள் மற்றும் சிறப்புப் பேருந்துகள் இயக்கம் குறித்து, துறை முதன்மைச் செயலா் சி.சமயமூா்த்தி, ஆணையா் டி.எஸ்.ஜவஹா் உள்ளிட்ட உயரதிகாரிகளுடன் போக்குவரத்துத் துறை அமைச்சா் எம்.ஆா்.விஜயபாஸ்கா், தலைமைச் செயலகத்தில், வெள்ளிக்கிழமை ஆலோசனை நடத்தினாா்.

பின்னா் அவா் வெளியிட்ட செய்தி: கடந்த ஆண்டு பொங்கல் பண்டிகையை முன்னிட்டு, சென்னையில் இருந்து இயக்கப்பட்ட பேருந்துகள் மூலம் 8 லட்சத்து 47,837 போ் பயணம் செய்தனா்.

இந்த ஆண்டு பொங்கல் பண்டிகையை முன்னிட்டு, வரும் ஜன.11 முதல் 13-ஆம் தேதி வரையில், நாள்தோறும் இயக்கக் கூடிய 2,050 பேருந்துகளுடன் சிறப்புப் பேருந்துகளாக 4,078 பேருந்துகள் என மூன்று நாள்களும் சோ்த்து, சென்னையிலிருந்து 10,228 பேருந்துகளும், பிற ஊா்களிலிருந்து 5,993 சிறப்புப் பேருந்துகள் என மொத்தமாக 16,221 பேருந்துகள் இயக்கப்படும். இவை, சென்னையில் 5 இடங்களில் இருந்து இயக்கப்படும்.

பண்டிகைக்குப் பிறகு...: பொங்கல் பண்டிகை முடிந்த பின்னா், பிற ஊா்களிலிருந்து சென்னைக்கு, வரும் ஜன.17 முதல் 19-ஆம் தேதி வரை, நாள்தோறும் இயக்கக் கூடிய 2,050 பேருந்துகளுடன், 3,393 சிறப்புப் பேருந்துகளும், ஏனைய பிற முக்கிய ஊா்களிலிருந்து பல்வேறு ஊா்களுக்கு 5,727 சிறப்புப் பேருந்துகள் என மொத்தமாக 15,270 பேருந்துகள் இயக்கப்படும். இவ்வாறு 6 நாள்களும் சோ்த்து 31,491 பேருந்துகள் இயக்கப்படும்.

பேருந்து நிலையம் செல்லும் ஊா்கள்

மாதவரம் புதிய பேருந்து நிலையம் செங்குன்றம் வழியாக பொன்னேரி, கும்மிடிபூண்டி மற்றும் ஊத்துக்கோட்டை செல்லும் பேருந்துகள்.

கே.கே. நகா் பேருந்து நிலையம் ஈசிஆா் வழியாக புதுச்சேரி, கடலூா் மற்றும் சிதம்பரம் செல்லும் பேருந்துகள்.

தாம்பரம் அறிஞா் அண்ணா திண்டிவனம், விக்கிரவாண்டி, பண்ருட்டி வழியாக பேருந்து நிலையம் (மெப்ஸ்) கும்பகோணம், தஞ்சாவூா் செல்லும் பேருந்துகள்

தாம்பரம் ரயில் நிலையப் திண்டிவனம் மாா்க்கமாக திருவண்ணாமலை செல்லும் பேருந்து நிறுத்தம் பேருந்துகள் மற்றும் போளூா், சேத்துபட்டு, வந்தவாசி, செஞ்சி மாா்க்கமாக செல்லும் பேருந்துகள் மற்றும் திண்டிவனம் வழியாக பண்ருட்டி, நெய்வேலி, வடலூா், சிதம்பரம், காட்டுமன்னாா்கோயில் மற்றும் திண்டிவனம் வழியாக புதுச்சேரி, கடலூா், சிதம்பரம் செல்லும் பேருந்துகள்.

பூந்தமல்லி பேருந்து நிலையம் வேலூா், ஆரணி, ஆற்காடு, திருப்பத்தூா், காஞ்சிபுரம்,செய்யாறு, ஓசூா், தருமபுரி, கிருஷ்ணகிரி, திருத்தணி செல்லும் பேருந்துகள்.

கோயம்பேடு பேருந்து நிலையம் மேற்குறிப்பிட்டுள்ள ஊா்களைத்தவிர, இதர ஊா்களுக்கு செல்லும் பேருந்துகள் (மயிலாடுதுறை, நாகப்பட்டினம், வேளாங்கண்ணி, திருச்சி, மதுரை, திருநெல்வேலி, செங்கோட்டை, தூத்துக்குடி, திருச்செந்தூா், நாகா்கோவில், கன்னியாகுமரி, விழுப்புரம், கள்ளக்குறிச்சி, காரைக்குடி, புதுக்கோட்டை, திண்டுக்கல், விருதுநகா், திருப்பூா், ஈரோடு, ராமநாதபுரம், சேலம் மற்றும் கோயம்புத்தூா்).

முன்பதிவு மையங்கள்:

பயணச்சீட்டு முன்பதிவு செய்து கொள்ளும் வகையில், கோயம்பேடு பேருந்து நிலையத்தில் 10, தாம்பரம் மெப்ஸில் 2, பூந்தமல்லி பேருந்து நிலையத்தில் 1 என மொத்தம் 13 முன்பதிவு மையங்கள் செயல்பட்டு வருகின்றன. இது தவிா்த்து,  இணையதளம், செயலிகளிலும் முன்பதிவு செய்யலாம்.

உதவி எண்கள்: பேருந்துகளின் இயக்கம் குறித்து அறிந்து கொள்வதற்கும் மற்றும் புகாா் தெரிவிப்பதற்கும் 94450 14450, 94450 14436 ஆகிய உதவி எண்களையும், கோயம்பேடு பேருந்து நிலையத்தில் 24 மணி நேரம் செயல்படும் வகையில் அமைக்கப்பட்டுள்ள கட்டுப்பாட்டு அறையையும் தொடா்பு கொள்ளலாம். இது தவிா்த்து பேருந்து நிலையங்களுக்கு வருகை தரும் பயணிகள் பேருந்து மற்றும் வழித்தடம் குறித்த விவரங்களை அறிந்து கொள்ள 20 இடங்களில் தகவல் மையங்கள் அமைத்திட நடவடிக்கை எடுக்கப்பட்டுள்ளது.

24 மணி நேரமும் மாநகரப் பேருந்து: பொதுமக்களின் வசதிக்காக கோயம்பேடு பேருந்து நிலையத்திலிருந்து தற்காலிக பேருந்து நிலையங்களுக்கு செல்ல மாநகரப் போக்குவரத்துக் கழகத்தின் சாா்பில் இணைப்புப் பேருந்துகள் 24 மணி நேரமும் இயக்கப்படும் என அமைச்சா் எம்.ஆா்.விஜயபாஸ்கா் தெரிவித்துள்ளாா்.

வழித்தட மாற்றம்: தாம்பரம், பெருங்களத்தூா், வண்டலூரைச் சோ்ந்த பயணிகளை ஊரப்பாக்கம் தற்காலிக பேருந்து நிலையத்திலிருந்து ஏற்றிக் கொள்ள வழிவகை செய்யப்பட்டுள்ளது.

காா் மற்றும் இதர வாகனங்களில் செல்வோா், போக்குவரத்து நெரிசலைத் தவிா்க்கும் பொருட்டு, தாம்பரம், பெருங்களத்தூா் வழியாக செல்வதை தவிா்த்து திருக்கழுகுன்றம் - செங்கல்பட்டு அல்லது ஸ்ரீ பெரும்புதூா் - செங்கல்பட்டு வழியாக செல்லுமாறு கேட்டுக் கொள்ளப்படுகிறாா்கள்.

புகாா் அளிக்க... அதிகக் கட்டணம் வசூலிக்கும் ஆம்னி பேருந்துகள் குறித்து புகாரளிக்க 1800 425 6151 என்ற எண்ணைத் தொடா்பு கொள்ளலாம்.