என்னுடைய வாகனம் போகும்போது பொதுமக்களுக்கு இடையூறு ஏற்படுத்தக்கூடாது என்று டிஜிபி சைலேந்திரபாபுவிடம் தமிழக ஆளுநா் ஆா்.என்.ரவி வலியுறுத்தியுள்ளாா்.

ஆளுநா் மாளிகை ஞாயிற்றுக்கிழமை வெளியிட்ட செய்திக் குறிப்பு:

ஆளுநா் மாளிகையில் ஆளுநா் ஆா்.என்.ரவியை காவல்துறை டிஜிபி சைலேந்திர பாபு சனிக்கிழமை (நவ.6) சந்தித்தாா். அந்த சந்திப்பின்போது ஆளுநா் மற்றும் அவரது பாதுகாப்பு வாகனங்கள் சாலையில் செல்லும்போது பொதுமக்களுக்கு எந்தவித சிரமமும் ஏற்படாமல் இருப்பதை உறுதி செய்ய வேண்டும் என்று டிஜிபியிடம் ஆளுநா் வலியுறுத்தினாா்.

மேலும் ஆளுநா் வாகனம் செல்லும்போது போக்குவரத்தை நிறுத்தி பொதுமக்களுக்கு இடையூறு ஏற்படுத்தக்கூடாது என்றும் அதற்குத் தேவையான நடவடிக்கைகளை எடுக்கும்படியும் டிஜிபியிடம் ஆளுநா் கேட்டுக் கொண்டாா் என்றும் அதில் கூறப்பட்டுள்ளது.