திருமாவளவனிடம் வாழ்த்து பெற்ற முதல்வர் விஜய்!

விடுதலைச் சிறுத்தைகள் கட்சித் தலைவர் தொல். திருமாவளவனை முதல்வர் சி. ஜோசப் விஜய் நேரில் சென்று சந்தித்தார்.

ஆட்சி அமைக்க தமிழக வெற்றிக் கழகத்திற்கு ஆதரவு தெரிவித்த பிறகு முதல்முறையாக திருமாவளவனும் விஜய்யும் சந்தித்துக்கொண்டனர்.

சென்னை வேளச்சேரியில் உள்ள இல்லத்திற்குச் சென்ற முதல்வர் விஜய்யை வாசலுக்கே வந்து திருமாவளவன் வரவேற்று அழைத்துச் சென்றார். விசிக எம்.எல்.ஏ., வன்னி அரசு, சிந்தனைச் செல்வன் உள்ளிட்டோர் உடன் இருந்தனர்.

வீட்டில் விஜய்க்கு பொன்னாடை போர்த்தி, மாலை அணிவித்து வாழ்த்து தெரிவித்தார். பின்னர், அரசமைப்பு சட்டத்தின் முகப்புரையை திருமாவளவன் பரிசாக வழங்கினார்.