தங்கம் விலை இன்று ஒரே நாளில் சவரனுக்கு ரூ. 1,600 குறைவு!

சென்னையில் ஆபரணத் தங்கத்தின் விலை இன்று(ஜூலை 8) காலை சவரனுக்கு ரூ. 560 குறைந்திருந்த நிலையில், மேலும் ரூ. 1,040 குறைந்துள்ளது.

தங்கம் விலை தொடர்ந்து ஏற்ற-இறக்கத்துடன் காணப்படுகிறது. சென்னையில் திங்கள்கிழமை விலை சவரனுக்கு ரூ. 1,120 குறைந்து ரூ. 1,08,480-க்கு விற்பனையானது.

தொடர்ந்து செவ்வாய்கிழமை விலை மேலும் குறைந்தது. அதன்படி, தங்கம் விலை கிராமுக்கு ரூ. 110 குறைந்து ரூ. 13,450-க்கும், சவரனுக்கு ரூ. 880 குறைந்து ரூ. 1,07,600-க்கும் விற்பனையானது.

இதனிடையே, ஆபரணத் தங்கத்தின் விலை இன்று(ஜூலை 8) காலை சவரனுக்கு ரூ. 560 குறைந்து விற்பனையான நிலையில், இன்று மாலை வர்த்தகம் நிறைவடையும் தருவாயில், மேலும் சவரனுக்கு ரூ. 1,040 குறைந்து, ஒரு சவரன் ரூ. 1,05,600-க்கும், ஒரு கிராம் ரூ. 13,200-க்கும் விற்பனை செய்யப்படுகிறது.

இதன் மூலம், தங்கம் விலை இன்று ஒரே நாளில் சவரனுக்கு ரூ.1,600 குறைந்துள்ளது.

வெள்ளி விலையில் மாற்றமின்றி ஒரு கிராம் ரூ. 245-க்கும், ஒரு கிலோ (கட்டி வெள்ளி) ரூ. 2.40 லட்சத்துக்கும் விற்பனை செய்யப்படுகிறது.