ஹார்ரியின் காதல், காமிக்ஸ் புத்தகமாக..! 

வரவிருக்கும் மே 19- ஆம் தேதியை இங்கிலாந்து மக்களால் மறக்க முடியாது. காரணம், இங்கிலாந்து அரச குடும்பத்தின் இரண்டாவது இளவரசரான ஹார்ரி, அமெரிக்க நடிகையான மேகன் மார்கிள்ளை அன்றுதான் அதிகாரபூர்வமாக திருமணம் செய்து கொள்ளப் போகிறார்.
 திருமணத்தை ஒட்டி தட புடலாக ஏற்பாடுகள் ஒரு பக்கம் நடந்து வந்தாலும், ஹாரி-மேகன் காதல் குறித்து ஒரு காமிக்ஸ் புத்தகம் ஒன்று "தி ராயல்ஸ்: பிரின்ஸ் ஹார்ரி & மேகன் மார்க்ள்' என்ற தலைப்பில் மூன்று ரக அச்சுப் பதிப்பில் வெளியாகியுள்ளது. இதை அமெரிக்க நிறுவனம் வெளியிட்டுள்ளது.
 ஹார்ரி, மேகன் வாழ்க்கையில் முக்கிய தருணங்கள், இருவருக்கும் இடையில் எப்படி காதல் மலர்ந்தது குறித்தும் இந்த காமிக்ஸ் புத்தகத்தில் படங்களுடன் விவரிக்கப்பட்டுள்ளன. ஹார்ரியின் அம்மாவான டயானாவின் இறப்பு குறித்தும் இந்த புத்தகத்தில் எழுதப்பட்டுள்ளது. இந்தியாவில் இந்தப் புத்தகம் அமேசான் மூலம் விற்பனையாகிறது.
 - பனுஜா