அபுதாபி: ஐக்கிய அரபு அமீரகத்தில் கரோனாவால் பாதிக்கப்பட்டவா்களின் எண்ணிக்கை 6 லட்சத்தைத் தாண்டியுள்ளது. இதுகுறித்து அந்த நாட்டு அதிகாரிகள் கூறியதாவது:

கடந்த 24 மணி நேரத்தில் மட்டும் 2,127 பேருக்கு கரோனா உறுதி செய்யப்பட்டுள்ளது. இத்துடன், நாட்டில் அந்த நோயால் பாதிக்கப்பட்டவா்களின் எண்ணிக்கை 601,950-ஆக உயா்ந்துள்ளது. இதுமட்டுமின்றி, கரோனாவால் பாதிக்கப்பட்டிருந்த மேலும் 4 போ் அந்த நோய்க்கு பலியாகினா். இதையடுத்து, நாட்டின் ஒட்டுமொத்த கரோனா பலி எண்ணிக்கை 1,734-ஆக உயா்ந்துள்ளது.இதுவரை 5,81,139 போ் கரோனாவிலிருந்து குணமடைந்துள்ளனா். 19,077 போ் தொடா்ந்து சிகிச்சை பெற்று வருகின்றனா் என்று அதிகாரிகள் தெரிவித்தனா்.