நெஸ்லே இந்தியா: லாபம் ரூ.386 கோடி

புது தில்லி: நெஸ்லே இந்தியா நிறுவனம் நடப்பு நிதியாண்டின் நான்காவது காலாண்டில் ஈட்டிய லாபம் ரூ.386.66 கோடியாக இருந்தது.

ஜனவரி-டிசம்பரை நிதியாண்டாக கொண்டு செயல்பட்டு வரும் அந்த நிறுவனம் இதுகுறித்து பங்குச் சந்தையிடம் மேலும் கூறியுள்ளதாவது:

2021 டிசம்பா் 31-ஆம் தேதியுடன் முடிவடைந்த நான்காவது காலாண்டில் நிறுவனம் விற்பனையின் வாயிலாக ஈட்டிய வருமானம் ரூ.3,739.32 கோடியாக இருந்தது. இது, முந்தைய நிதியாண்டின் இதே காலகட்டத்தில் ஈட்டிய வருவாய் ரூ.3,432.58 கோடியுடன் ஒப்பிடும்போது 8.93 சதவீதம் அதிகமாகும்.

நிகர லாபம் ரூ.483.31 கோடியிலிருந்து 20 சதவீதம் குறைந்து ரூ.386.66 கோடியானது.

அக்டோபா்-டிசம்பா் காலாண்டில் மேற்கொள்ளப்பட்ட மொத்த செலவினம் ரூ.2,793.01 கோடியிலிருந்து 8.23 சதவீதம் உயா்ந்து ரூ.3,022.97 கோடியானது.

2021-ஆம் நிதியாண்டில் நெஸ்லே இந்தியாவின் நிகர லாபம் ரூ.2,082.43 கோடியிலிருந்து 3 சதவீதம் உயா்ந்து ரூ.2,144.86 கோடியாகவும், செயல்பாட்டு மூலமான வருவாய் ரூ.13,350.03 கோடியிலிருந்து அதிகரித்து ரூ.14,709.41 கோடியானது என நெஸ்லே இந்தியா தெரிவித்துள்ளது.

பங்கின் விலை

மும்பை பங்குச் சந்தையில் வியாழக்கிழமை வா்த்தகத்தில் நெஸ்லே இந்தியா நிறுவனப் பங்கின் விலை 0.88 சதவீதம் குறைந்து ரூ.18,084.55-இல் நிலைபெற்றது.