அஜித்தின் விவேகம்: ஆகஸ்ட் 10-ம் தேதி வெளியாவது உறுதி!

சிவா இயக்கத்தில் அஜித் நடித்து வரும் படம் - விவேகம். இப்படத்தில் காஜல் அகர்வால், அக்‌ஷரா ஹாசன், விவேக் ஓபராய் உள்ளிட்ட பலர் நடிக்கின்றனர். வில்லன் வேடத்தில் பாலிவுட் நடிகர் விவேக் ஓப்ராய் நடித்துள்ளார். இது அவர் நடிக்கும் முதல் தமிழ்ப் படம். இந்தப் படத்தை சத்யஜோதி ஃபிலிம்ஸ் தயாரித்துவருகிறது. இசை - அனிருத்.

விவேகம் படம் ஆகஸ்ட் 10-ம் தேதி வெளிவரவுள்ளது. இந்நிலையில் படத்தின் வெளியீடு ஆகஸ்ட் 24-ம் தேதிக்குத் தள்ளிப் போவதாகக் கூறப்பட்டது. படத்தின் இறுதிக்கட்டப் பணிகள் முடிவடைய தாமதம் ஆவதால் வெளியீடு தள்ளிப்போவதாகச் சொல்லப்பட்டது.

ஆனால் விவேகம் படக்குழு இதை மறுத்துள்ளது. ஆகஸ்ட் 10-ம் தேதி படம் வெளியாவதில் எவ்வித தடைகளும் இல்லை என்று உறுதியாகக் கூறியுள்ளது.