சென்னை: இந்தியா முழுவதும் எதிர்பார்ப்பை உருவாக்கியுள்ள ‘பாகுபலி-2’ டிரைலர் நாளை வெளியாக உள்ள நிலையில் அது பற்றிய சில சுவாரசியமான தகவல்கள் தற்போது கிடைத்துள்ளது.
பிரபலஇயக்குனர் எஸ்.எஸ்.ராஜமௌலி இயக்கத்தில் ‘பாகுபலி-2’ படமானது பிரம்மாண்டமாக உருவாகியுள்ளது. இந்த படத்தின் டிரைலர் நாளை வெளியாகப்போவதாக படக்குழுவினர் அதிகாரப்பூர்வமாக அறிவித்துள்ளனர். இந்நிலையில் டிரைலர் குறித்த சில சுவாரஸ்யமான தகவல்கள் தற்போது வெளியாகியுள்ளது.
அவை பின்வருமாறு:
‘பாகுபலி-2’ டிரைலரின் மொத்த நீளம் 2 நிமிடம் 20 வினாடிகள்.
டிரைலர் ஆக்ஷன் காட்சிகள் அதிக அளவில் இடம் பெற்றுள்ளன.
முக்கியமான சில கிராபிக்ஸ் காட்சிகளும் டிரைலரில் தலை காட்டுகின்றன.
டிரைலர் தணிக்கை குழுவினரின் 'யுஏ' சான்றிதழ் பெற்றுள்ளது.
நாளை காலை 9 மணிக்கு திரையரங்குகளில் முதலில் டிரைலர் வெளியிடப்படும்.
ஆந்திரா மற்றும் தெலுங்கானா மாநிலங்களில் 250 முதல் 300 திரையரங்குகளில் டிரைலர் ஒளிபரப்பாகவுள்ளது.
நாளை மாலை 5 மணிக்கு இணையதளங்களில் டிரைலர் வெளியிடப்படும்.