பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவான படம் - பாகுபலி. இதனை இயக்கியவர், ராஜமெளலி.
ரூ. 600 கோடி வரை வசூலித்து பல சாதனைகளைச் செய்த பாகுபலியின் 2-ம் பாகமான, 'பாகுபலி தி கன்க்ளூஷன்’ படத்தின் படப்பிடிப்பு முடிவடைந்துள்ளது.
தற்போது இறுதிக்கட்டப் பணிகள் நடைபெற்று வருகின்றன. ஏப்ரல் 28 அன்று பாகுபலி 2 வெளிவருகிறது. கோடைக்கால விடுமுறை சமயத்தில் படம் வெளிவருவதால் முதல் பாகத்தை விடவும் அதிகம் வசூலிக்கும் என்கிற எதிர்பார்ப்பு உருவாகியுள்ளது.
இந்நிலையில் பாகுபலி 2 படத்தின் டிரெய்லர் இன்று வெளியிடப்பட்டுள்ளது.
டிரெய்லர் வெளியானவுடன் சமூகவலைத்தளத்தில் டிரெய்லர் குறித்த பரபரப்பு உண்டானது. இதனால் உலகளவில் ட்விட்டரில் டிரெண்ட் ஆனது பாகுபலி 2 டிரெய்லர்.
இதுகுறித்து இயக்குநர் ராஜமெளலி ட்விட்டரில் கூறியதாவது: அனைவருக்கும் கோடானுகோடி நன்றிகள். பாகுபலி 2 டிரெய்லர் வெளியான ஒரு மணி நேரத்தில் உலகளவில் டிரெண்ட் ஆகியுள்ளது என மகிழ்ச்சி தெரிவித்தார்.
பாகுபலி 2 - தெலுங்கு, ஹிந்தி, தமிழ், மலையாளம் ஆகிய மொழிகளில் வெளியிடப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.