வாழ்க்கை அழகான புகைப்படத்தைத் தரும்போது....: நடிகை விஜயலட்சுமி

சென்னை 28 படத்தின் மூலம் பிரபலமான நடிகை விஜயலட்சுமி, இயக்குநர் ஃபெரோஸ் முகமதுவை நீண்ட காலமாக காதலித்து வந்தார். இவர்களுடைய திருமணம் கடந்த 2015-ம் ஆண்டு செப்டம்பர் மாதம் நடைபெற்றது. 

ஃபெரோஸ், தூங்காநகரம், வல்லினம் படங்களில் துணை இயக்குனராகப் பணியாற்றியவர். இவர் இயக்கிய கிருஷ்ணா, ஆனந்தி நடித்த பண்டிகை படம் கடந்த வருடம் வெளியானது.

விஜயலட்சுமி - ஃபெரோஸ் தம்பதியருக்கு நிலன் என்கிற ஒரு மகன் உண்டு.

இந்நிலையில் தன்னுடைய குடும்பத்தினரின் புகைப்படத்தை ட்விட்டரில் வெளியிட்டுள்ள விஜயலட்சுமி, வாழ்க்கை அருமையான புகைப்படத்தைத் தரும்போது அதை ட்விட்டரில் பகிரவேண்டும் என்று குறிப்பிட்டுள்ளார். அதற்கு முன்பு தீபாவளியின்போது தன்னுடைய 5 மாத  மகனின் புகைப்படத்தையும் அவர் ட்விட்டரில் பகிர்ந்தார்.