பாலிவுட் நடிகைக்கு கரோனா பாதிப்பு

பாலிவுட் நடிகை ராஜேஸ்வரி சச்தேவ் கரோனா வைரஸ் தொற்றால் பாதிக்கப்பட்டுள்ளார்.

1991-ல் மராத்தி படத்தில் நடிகையாக அறிமுகமான ராஜேஸ்வரி, ஏராளமான ஹிந்தி மற்றும் மராத்தி படங்களில் நடித்துள்ளார். போர்க்களம் என்கிற தமிழ்ப் படத்திலும் நடித்துள்ளார். பல தொலைக்காட்சிக நிகழ்ச்சிகளிலும் பங்கேற்றுள்ளார். ஷயாம் பெனகலின் சர்தாரி பேகம் என்கிற படத்தில் நடித்ததற்காக 1996-ல் சிறந்த துணை நடிகைக்கான தேசிய விருதைப் பெற்றார். 

இந்நிலையில் கரோனாவால் பாதிக்கப்பட்டுள்ளது பற்றி ஃபேஸ்புக்கில் ராஜேஸ்வரி கூறியதாவது:

கரோனா வைரஸ் தொற்றால் நான் பாதிக்கப்பட்டுள்ளேன். சில அறிகுறிகள் தோன்றிய பிறகு பரிசோதனை செய்துகொண்டேன். தற்போது எனது வீட்டில் தனிமைப்படுத்தப்பட்டுள்ளேன். மருத்துவர்களின் கண்காணிப்பில் உள்ளேன். கடந்த சில நாள்களாக என்னுடன் தொடர்பில் இருந்தவர்கள் பாதுகாப்புக்காக பரிசோதனை செய்துகொள்ளுங்கள் என்று கூறியுள்ளார்.