தமிழ் திரைப்படங்களில் வெளி மாநில பெண்களை நடிக்க வைத்துக்கொண்டிருந்த காலம் போய் தற்போது தொலைக்காட்சி தொடர்களில் நடிக்கும் பல பெண்கள் திரைப்படங்களின் முக்கிய கதாப்பாத்திரங்களை ஏற்று நடித்துக்கொண்டிருக்கிறார்கள்.
ஆனால் அவ்வளவு எளிதாக கதாநாயகி வாய்ப்பு யாருக்கும் கிடைக்காமல் இருந்த நிலையில் வாணி போஜன் , பிரியா பவானி சங்கர் போன்றவர்கள் நாயகிகளாக அறிமுகமாகி தங்களுக்கான பாணியை அமைத்து வைத்திருக்கிறார்கள்.
அந்த வரிசையில் தற்போது 'சரவணன் மீனாட்சி' 'பிரிவோம் சந்திப்போம் ' ' நாச்சியார் ' ஆகிய பிரபல சின்னத்திரை தொடர்களில் நடித்த நாயகி ரக்ஷிதா மஹாலட்சுமி கன்னட திரைப்படம் ஒன்றில் கதாநாயகியாக அறிமுகமாக இருக்கிறார் என்கிற தகவல் வெளியாகியிருக்கிறது