தனது மனைவி ஜோதிகா இன்ஸ்டாகிராம் பக்கத்தில் புதிதாக கணக்குத் துவங்கியதற்கு நடிகர் சூர்யா வரவேற்பு தெரிவித்துள்ளார்.
சூர்யா தனது 2டி எண்டர்டெயின்மென்ட் சார்பாக தயாரித்து, சசிக்குமார் மற்றும் ஜோதிகா இணைந்து நடித்த ,உடன் பிறப்பே, திரைப்படம் வருகிற அக்டோபர் மாதம் அமேசான் பிரைமில் நேரடியாக வெளியாகிறது.
இந்தப் படத்தில் சமுத்திரக்கனி, சூரி, கலையரசன், நிவேதிதா சதீஷ் ஆகியோர் முக்கிய வேடங்களில் நடித்துள்ளனர். வேல்ராஜ் இந்தப் படத்துக்கு ஒளிப்பதிவு செய்ய, டி.இமான் இந்தப் படத்துக்கு இசையமைகத்துள்ளார். இரா.சரவணன் இந்தப் படத்தை எழுதி இயக்கியுள்ளார்.
இந்தப் படத்தின் மீதான எதிர்பார்ப்பு ரசிகர்களிடையே அதிகரித்துள்ளது. இந்த நிலையில் நடிகை ஜோதிகா இன்ஸ்டாகிராம் தளத்தில் புதிதாக கணக்கு துவங்கியுள்ளார்.
காஷ்மீரில் இந்திய தேசியக் கொடியுடன் தான் இருக்கும் புகைப்படத்தை பகிர்ந்துள்ளார். இதனையடுத்து நடிகர் சூர்யா, ''என்னுடைய பொண்டாட்டி, உன்னை இன்ஸ்டாகிராமில் காண்பது மகிழ்ச்சி'' என்று தெரிவித்துள்ளார்.