சூப்பர் சிங்கர் 8 இறுதிச் சுற்றில் போட்டியிட்ட ஸ்ரீதர் சேனா, முதலிடம் பிடித்து வெற்றி பெற்றுள்ளார்.
விஜய் டிவியில் 2006ஆம் ஆண்டு முதல் தொடர்ச்சியாக ஜூனியர், சீனியர் என இரு பிரிவுகளில் நடைபெற்று வரும் நிகழ்ச்சி சூப்பர் சிங்கர்.
தற்போது சூப்பர் சிங்கர் சீனியர் சீசன் 8 ஜனவரி மாதம் முதல் நடைபெற்று வருகின்றன. 20 போட்டியாளர்களுடன் தொடங்கிய இந்த சீசனின் இறுதிப் போட்டியில் நேற்று முத்து சிற்பி, பரத், அனு ஆனந்த், அபிலாஷ், ஸ்ரீதர் சேனா, மானசி ஆகிய 6 பேர் போட்டியிட்டனர்.
இறுதிப் போட்டியில் சிறப்பு விருந்தினர்களாக பங்கேற்ற இசையமைப்பாளர்கள் அனிருத், சந்தோஷ் நாராயணன், பாடகர்கள் மாணிக்கம் விநாயகம், சித்ரா, பென்னி தயால், எஸ்.பி.பி.சரண், உன்னி கிருஷ்ணன், அனுராதா உள்ளிட்டோர் முன்பு 6 போட்டியாளர்கள் பாடினார்கள்.
இதில் நடுவர்கள் முடிவு மற்றும் மக்களின் வாக்குகள் அடிப்படையில், முதலிடத்தை ஸ்ரீதர் சேனா(ரூ. 10 லட்சம்), இரண்டாம் இடத்தை பரத்(ரூ. 3.5 லட்சம்), மூன்றாம் இடத்தை அபிலாஷ்(ரூ. 2 லட்சம்) வென்றனர். மேலும், மாற்றத்திற்கான போட்டியாளர் என்ற விருதை முத்து சிற்பி(ரூ. 1 லட்சம்) பெற்றார்.