நடிகர் விஜய் நடித்துள்ள பீஸ்ட் திரைப்படம் வருகிற ஏப்ரல் 14 ஆம் தேதி திரையரங்குகளில் வெளியாகவிருக்கிறது. இந்தப் படத்தை நெல்சன் இயக்க, சன் பிக்சர்ஸ் நிறுவனம் தயாரித்து வருகிறது.
இந்தப் படத்திலிருந்து புகைப்படம் ஒன்று கசிந்துள்ளது. படத்தொகுப்பு பணியின்போது இந்தப் படம் கசிந்திருக்கலாம். அதில் ஃபோனில் பேசிக்கொண்டிருக்க பின்னணியில் குதிரைகள் மேய்ந்தபடி இருக்கின்றன. இந்தப் புகைப்படத்தை சமூக வலைதளங்களிலிருந்து தயாரிப்பு நிறுவனம் நீக்கி வருகிறது.
இந்தப் புகைப்படத்தை வைத்து துப்பாக்கி, கத்தி படங்களைப் போல இதிலும் 'ஐ ஆம் வெயிட்டிங்' என விஜய் சொல்வதுபோன்ற காட்சி இடம் பெறுமோ என்று ரசிகர்கள் சந்தேகித்து வருகின்றனர்.
பீஸ்ட் படத்தில் விஜய்க்கு ஜோடியாக பூஜா ஹெக்டே நடித்துள்ளார். அனிருத் இசையில் இந்தப் படத்திலிருந்து வெளியான அரபிக் குத்து பாடல் ரசிகர்களிடையே பெரும் வரவேற்பை பெற்று வருகிறது. இந்தப் பாடல் இந்தப் படத்தின் மீதான எதிர்பார்ப்பை அதிகரிக்க செய்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.