மகிழ்ச்சியைக் கூட அறிவித்து அனுபவிக்க முடியவில்லை: பார்த்திபன்

பார்த்திபன் எழுதி, இயக்கி, தயாரித்து நடித்தப் படம் இரவின் நிழல். இப்படம் கடந்த ஜூலை 15 ஆம் தேதி திரையரங்குகளில் வெளியாகி கலவையான விமர்சனங்களைப் பெற்றது. இதில் பார்த்திபனுடன் வரலட்சுமி சரத்குமார், ரோபோ சங்கர், பிரியங்கா ருத், பிரிகடா உள்ளிட்டோர் நடித்திருந்தனர். 

படத்திற்கு ஏ.ஆர். ரஹ்மான் இசையமைக்க ஆர்தர் வில்சன் ஒளிப்பதிவு செய்திருந்தார். இரவின் நிழல் படம் உலகின் முதல் நான் லீனியர் சிங்கிள் ஷாட் படமாக உருவாகியிருந்தது. இந்த நிலையில் ‘இரவின் நிழல்’ படம் அமேசான் ப்ரைம் ஓடிடி தளத்தில் எப்போது வெளியாகும் என்கிற தகவலை ஆர்.பார்த்திபன் வெளியிட்டுள்ளார். 

இந்நிலையில் தற்போது தனது ட்விட்டர் பக்கத்தில், “மகிழ்ச்சியைக் கூட…அறிவித்து அனுபவிக்க முடியவில்லை. அமேசானில் ‘இரவின் நிழல்’ எனக்கேத் தெரியாமல்! தயவு செய்து நேரம் ஒதுக்கி முழுமையாய் பாருங்கள்(single shot) ஆதரவை தர வேண்டுகிறேன்! நன்றியுடன்” என பதிவிட்டுள்ளார். 

அவர் தனது முகநூலில், அமேசானில் இன்றோ நாளையோ ‘இரவின் நிழல்’ வந்து விடுமென சமீபத்தில் தெரிவித்திருந்தார். தற்போது அவருக்கே தெரியாமல் அமேசானில் படம் வெளியாகியுள்ளதை குறித்து இப்படி பதிவிட்டுள்ளார். 

தாய் ஆனார் நடிகை பிபாஷா பாசு!

இளமையாக தெரிய அறுவை சிகிச்சை செய்து கொள்ளவில்லை: ராதிகா ஆப்தே

சமந்தாவின் ‘யசோதா’: முதல் நாள் வசூல் எவ்வளவு தெரியுமா?

ஆடை சர்ச்சை: தர்ஷா குப்தா ஆவேசம்