இரவின் நிழல் முதல் பாடல்: மே 1-இல் வெளியீடு

பார்த்திபனின் இரவின் நிழல் படத்தின் முதல் பாடல் மே 1-ம் தேதி வெளியாகிறது.

ஒத்த செருப்பு திரைப்படத்துக்குப் பிறகு, பார்த்திபன் இரவின் நிழல் படத்தை இயக்கி வருகிறார். ஒத்த செருப்பு படத்தில் பார்த்திபன் நடித்த ஒரே கதாபாத்திரம் மட்டும் இடம்பெற்றது. இரவின் நிழல் படம் ஒரே ஷாட்டில் எடுக்கப்பட்டுள்ளது. இதில் பார்த்திபன், வரலக்ஷ்மி சரத்குமார், ரோபோ சங்கர் உள்ளிட்டோர் நடித்துள்ளனர். இசையமைப்பாளர் ஏ.ஆர். ரஹ்மான் இசையமைத்துள்ளார். 

படத்தின் முதல் பார்வை போஸ்டர் கடந்த மார்ச் 19-ம் தேதி வெளியானது.

தற்போது படத்தின் முதல் பாடல் வரும் மே 1-ம் தேதி மாலை வெளியாகவுள்ளதாக பார்த்திபன் அறிவித்துள்ளார். ராதாகிருஷ்ணன் பார்த்திபன் மற்றும் த்வனி யூட்யூப் பக்கத்தில் மட்டுமே இந்தப் பாடல் வெளியீட்டு நிகழ்ச்சி நேரலை செய்யப்படும் என்று அவர் தெரிவித்துள்ளார்.