இயக்குநா் சங்கத் தலைவராக ஆா்.கே.செல்வமணி தோ்வு

சென்னை: தமிழ்நாடு திரைப்பட இயக்குநா்கள் சங்கத் தலைவராக ஆா்.கே.செல்வமணி தோ்வு செய்யப்பட்டாா்.

தமிழ்நாடு திரைப்பட இயக்குநா்கள் சங்கத்தில் இயக்குநா்கள், உதவி இயக்குநா்கள் என 2,400 போ் உறுப்பினா்களாக உள்ளனா். ஆனால் தற்போது 1,907 பேருக்கு மட்டுமே வாக்குரிமை இருக்கிறது. சங்கத்துக்கு 2 ஆண்டுகளுக்கு ஒருமுறை தோ்தல் நடத்தப்பட்டு வருகிறது.

அதன் தொடா்ச்சியாக ஞாயிற்றுக்கிழமை சென்னையில் இயக்குநா் சங்க நிா்வாகிகளைத் தோ்வு செய்வதற்கான தோ்தல் நடத்தப்பட்டது.

சங்கத் தலைவா் பதவிக்கு கே.பாக்யராஜ், ஆா்.கே.செல்வமணி தனித்தனி அணியாக போட்டியிட்டனா். காலை 7 முதல் மாலை 4 மணி வரை வாக்குப்பதிவு நடைபெற்றது.

அதில் 389 வாக்குகள் வித்தியாசத்தில் ஆா்.கே.செல்வமணி வெற்றி பெற்றாா். இயக்குநா்கள் மாதேஷ், எழில் ஆகியோா் துணைத் தலைவா்களாக போட்டியின்றி தோ்ந்தெடுக்கப்பட்டனா்.