செய்தி மடல்
இ-பேப்பர்
மகிழ் திருமேனி இயக்கத்தில் உதயநிதி நடிக்கும் கலகத் தலைவன் பட முதல் பார்வை போஸ்டர் வெளியாகியுள்ளது.
நெஞ்சுக்கு நீதி படத்துக்கு கிடைத்த வரவேற்புக்கு பிறகு உதயநிதி ஸ்டாலின் தற்போது மாரி செல்வராஜ் இயக்கும் மாமன்னன் படத்தில் நடித்துவருகிறார். இந்தப் படத்தில் கீர்த்தி சுரேஷ் , பகத் பாசில், வடிவேலு உள்ளிட்டோர் முக்கிய வேடங்களில் நடிக்கின்றனர். ஏ.ஆர்.ரஹ்மான் இந்தப் படத்துக்கு இசையமைக்கிறார்.
இந்தப் படத்தின் முதல் கட்டப் படப்பிடிப்பு சேலத்தில் நடைபெற்று முடிந்தது. அடுத்த கட்ட படப்பிடிப்பு விரைவில் துவங்கவப்படவிருக்கிறது. மாமனிதன் படத்துக்கு பிறகு உதயநிதி ஸ்டாலின் வேறு எந்தப் படத்திலும் நடிக்க மாட்டார், முழு நேர அரசியலில் ஈடுபடவிருக்கிறார் என்று கூறப்பட்டது.
இந்த நிலையில் உதயநிதி ஸ்டாலின் அடுத்ததாக நடிக்கும் படத்தின் அறிவிப்பு வெளியாகியுள்ளது. கலகத் தலைவன் எனப் பெயரிடப்பட்டுள்ள இந்தப் படத்தை தடையற தாக்க, மீகாமன், தடம், உள்ளிட்ட படங்களை இயக்கிய மகிழ் திருமேனி இயக்குகிறார். இந்தப் படத்துக்கு ஸ்ரீகாந்த் தேவா மற்றும் அரோல் குரோலி இசையமைக்கின்றனர்.
இந்தப் படத்தில் நடிக்கும் பிற நடிகர்கள் மற்றும் தொழில்நுட்பக் கலைஞர்கள் குறித்த விவரங்கள் விரைவில் வெளியாகும் என்று எதிர்பார்க்கப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.