பிரபல இந்திய கிரிக்கெட் வீரரும் சென்னை சூப்பர் கிங்ஸ் அணியைச் சேர்ந்தவருமான தீபக் சஹாரின் சகோதரி மால்டி சஹார், ஹிந்திப் படத்தில் கதாநாயகியாக அறிமுகமாகிறார்.
பவின் பனுசாலி - மால்டி சஹார் ஆகிய இருவரும் இஷ்க் பஷ்மினா என்கிற படத்தில் நடித்துள்ளார்கள். அறிமுக இயக்குநர் அரவிந்த் பாண்டே இயக்கியுள்ளார். கதாநாயகன், கதாநாயகி, இயக்குநர் என மூவரும் இப்படத்தின் மூலம் திரையுலகில் அறிமுகமாகிறார்கள்.
இந்தப் படம் பற்றி மால்டி சஹார் கூறியதாவது: இஷ்க் பஷ்மினா படத்தில் நடித்ததற்காக மிகவும் மகிழ்ச்சியாக உள்ளேன். பவினுடன் நடித்தது நல்ல அனுபவம் என்கிறார். படப்பிடிப்பு முடிவடைந்த நிலையில் இதர பணிகள் நடைபெற்று வருகின்றன. விரைவில் படம் வெளியாகவுள்ளது.