மாஸ் லுக்கில் லெஜண்ட் சரவணன்!

லெஜண்ட் சரவணா ஸ்டோர்ஸ் உரிமையாளரும், நடிகருமான சரவணன் அருளின் புதிய புகைப்படங்கள் வைரலாகி வருகின்றது.

சரவணா ஸ்டோர் விளம்பரங்களில் கலக்கிய லெஜண்ட் சரவணன் தி லெஜண்ட் படத்தின் மூலம் ஹீரோவாக அறிமுகமானார். இந்தப் படம் கடந்த ஜூலை 28 ஆம் தேதி வெளியாகி கலவையான விமர்சனங்களைப் பெற்றது. 

இதனைத் தொடந்து, அடுத்த படத்தில் நடிப்பதற்கான கதையை தேர்ந்தெடுக்கும் பணியில் சரவணன் கவனம் செலுத்தி வருகிறார்.

இதற்கிடையே அவ்வப்போது அவர் வெளியிடும் புகைப்படங்கள் இணையத்தில் வைரலாகிறது. சமீபத்தில் காஷ்மீரில் இருந்து வெளியிட்ட புகைப்படம் உள்ளிட்டவை இணையத்தில் பேசு பொருளானது.

இந்நிலையில், திருமண நிகழ்வு ஒன்றில் பங்கேற்க வந்த சரவணன் புதிய தோற்றத்தில் காணப்பட்டார். புது மணமக்களை வாழ்த்திய தருணம் எனக் குறிப்பிட்டு காணொலியும், சில புகைப்படங்களையும் அவர் டிவிட்டரில் பதிவிட்டுள்ளார்.

லெஜண்ட் சரவணனின் புதிய தோற்றம் ரசிகர்களின் வரவேற்பை பெற்றுள்ள நிலையில், அவரது அடுத்த படம் குறித்த எதிர்பார்ப்பும் அதிகரித்துள்ளது.