ஜெயிலர் படத்தின் ஓடிடி வெளியீடு குறித்த தகவல் வெளியாகியுள்ளது.
நெல்சன் இயக்கத்தில் நடிகர் ரஜினிகாந்த் நடித்த ’ஜெயிலர்’ திரைப்படம் கடந்த வியாழக்கிழமை திரையரங்குகளில் வெளியானது. உலகம் முழுவதும் 7,000 திரைகளிலும் தமிழகத்தில் 1,200 திரைகளிலும் இப்படம் வெளியானது.
முதல்நாளில் மட்டும் இப்படம் ரூ.95.78 கோடி வசூல் செய்த நிலையில், தற்போது வரை இப்படம் ரூ.300 கோடி உலகளவில் வசூல் செய்துள்ளதாக கூறப்படுகிறது.
இதையும் படிக்க: ஜெயிலர் - வர்மனாக நடித்திருக்க வேண்டிய நடிகர் இவரா?
இந்த நிலையில், ஜெயிலர் திரைப்படம் வரும் செப்டம்பர் 7 ஆம் தேதி சன் நெக்ஸ்ட் மற்றும் நெட் ஃபிளிக்ஸ் ஓடிடி தளத்தில் வெளியாக உள்ளதாக தகவல் வெளியாகியுள்ளது. ஆனால் இதுகுறித்த எந்தவித அதிகாரப்பூர்வ தகவலும் இதுவரை வெளியாகவில்லை.