எதிர்நீச்சல் நந்தினிக்கு பின்னணி குரல் கொடுப்பது யார் தெரியுமா?
எதிர்நீச்சல் தொடரில் நந்தினி கதாபாத்திரத்துக்கு பின்னணி குரல் கொடுப்பது யார் என்ற தகவல் வெளியாகியுள்ளது.
சன் தொலைக்காட்சியில் ஒளிபரப்பாகிவரும் எதிர்நீச்சல் தொடருக்கென தனி ரசிகர்கள் பட்டாளமே உள்ளது. அதிலும் ஹரிப் பிரியா நடித்துவரும் நந்தினி கதாபாத்திரத்துக்கு அதிக ரசிகர்கள் உள்ளனர்.
இத்தொடரில், ஹரிப் பிரியா பேசும் வசனம் மற்றும் நகைச்சுவைகளுக்கு முக்கியத்துவம் கொடுப்பது அவரின் பின்னணி குரல் மட்டும் தான். பலரும் ஹரிப் பிரியாவுக்கு பின்னணி குரல் கொடுப்பது யார் என்று கேள்வி எழுப்பி வந்தனர்.
இந்த நிலையில், ஹரிப் பிரியா தனது இன்ஸ்டாகிராம் பக்கத்தில், “பலருக்கும் இந்த கேள்வி....நந்தினிக்கு யார் குரல்....அந்த குரல் என்னுடையது தான்” எனப் பதிவிட்டுள்ளார். அத்துடன் நந்தினி கதாபாத்திரத்துக்கு அவர் பின்னணி பேசும் விடியோவையும் வெளியிட்டுள்ளார்.
இதையும் படிக்க: விபத்தில் சிக்கிய முத்தழகு தொடர் நடிகை!
அவரது ரசிகர்கள், எதார்த்த நடிப்பும், இனிமையான குரலும், நந்தினி கதாபாத்திரத்திற்கு உயிரோட்டம் தருகிறது என்று ஹரிப் பிரியாவிற்கு வாழ்த்துக்களை தெரிவித்து வருகின்றனர்.