இறைவன் படத்திலிருந்து வெளியான மெலோடி பாடல்!

இறைவன் படத்திலிருந்து  வெளியான மெலோடி பாடல் இணையத்தில் வைரலாகி வருகிறது.

தனி ஒருவன் படத்தில் இணைந்து நடித்த நயன்தாராவும் ஜெயம் ரவியும் மீண்டும் சேர்ந்து நடித்துள்ள திரைப்படம் இறைவன். இப்படத்துக்கு  யுவன் சங்கர் ராஜா இசையமைத்துள்ளார்.

வாமனன், என்றென்றும் புன்னகை, மனிதன் படங்களை இயக்கிய ஐ. அஹமது இயக்கத்தில் உருவாகியுள்ள இப்படத்தில் நரேன் விஜயலட்சுமி ஆகியோர் முக்கிய கதாபாத்திரத்தில் நடித்துள்ளனர்.

இப்படம் வருகிற செப்.28 ஆம் தேதி இப்படம் தமிழ், தெலுங்கு, கன்னடம், மலையாளம் ஆகிய மொழிகளில் வெளியாகிறது.  சமீபத்தில் இப்படத்தின் டிரைலர் வெளியாகி, ரசிகர்களிடையே நல்ல வரவேற்பை பெற்றது.

இப்படத்துக்கு தணிக்கைத் துறையினர் ’ஏ’ சான்றிதழை வழங்கியுள்ளனர். ரன்னிங் டைம் 2.33 மணி நேரம் என தெரிவிக்கப்பட்டுள்ளது.

இதையும் படிக்க: விடுதலை - 2 படத்தில் இணைந்த தினேஷ்!

முன்னதாக, இப்படத்தின் 2 பாடல்கள் வெளியான நிலையில், 3வது பாடலான புடிச்ச ஒருத்தன் தான் என்ற மெலோடி பாடலை படக்குழுவினர் வெளியிட்டுள்ளனர்.