லியோ படத்தைத் தொடர்ந்து விஜய்யின் 68-வது படத்தை வெங்கட் பிரபு இயக்கி வருகிறார். இப்படத்துக்கு யுவன் சங்கர் ராஜா இசையமைக்கிறார்.
சமீபத்தில் முதல் பாடலான விசில் போடு பாடல் வெளியானது. ரசிகர்கள் மத்தியில் கலவையான விமர்சனங்களைப் பெற்றாலும் ஒரே நாளில் அதிக லைக், பார்வைகளை கடந்து சாதனைப் படைத்தது.
இப்பாடல் குறித்து பலரும் இணையத்தில் யுவன் ஷங்கர் ராஜாவை மீம்ஸ்கள் மூலமாக கிண்டல் செய்து வந்தனர். இதனிடையே யுவன் ஷங்கர் ராஜா தனது இன்ஸ்டாகிராம் கணக்கினை டீ ஆக்டிவேட் செய்தார்.
இந்நிலையில், இது குறித்து யுவன் ஷங்கர் ராஜா தனது எக்ஸ் பக்கத்தில் விளக்கம் அளித்துள்ளார்.
அதில், "தொழில்நுட்பக் கோளாறு காரணமாக எனது இன்ஸ்டாகிராம் பக்கம் முடங்கியுள்ளது. விரைவில் எங்கள் குழுவினர் அதை சரிசெய்துவிடுவார்கள், உங்கள் அக்கறை கலந்த விசாரிப்புக்கு நன்றி." எனத் தெரிவித்துள்ளார்.
