வணங்கான் - நம்பிக்கையில் படக்குழு!

வணங்கான் திரைப்படம் பேசப்படும் என்கிற நம்பிக்கையில் படக்குழு இருப்பதாகத் தகவல்.

இயக்குநர் பாலா இயக்கத்தில் எதிர்பார்ப்பை ஏற்படுத்தியுள்ள படம் வணங்கான். இதில் அருண் விஜய் நாயகனாகவும், ரோஷினி பிரகாஷ் நாயகியாகவும் மிஷ்கின் முக்கியக் கதாபாத்திரத்திலும் நடித்துள்ளனர். படத்துக்கு ஜி.வி.பிரகாஷ் குமார் இசையமைத்துள்ளார்.

ஆகஸ்ட் மாதம் 15 ஆம் தேதி இப்படம் திரைக்கு வரும் என அறிவிக்கப்பட்டது. மேலும், இதன் டிரைலர் வெளியாகி ரசிகர்களிடம் கவனம் பெற்றது. அதிரடியான சண்டைக்காட்சிகளும் வசனங்களும் படத்தின் மீதான எதிர்பார்ப்பை அதிகரித்துள்ளன.

இதற்கிடையே, வணங்கான் திரைப்படத்தின் வெளியீட்டுத் தேதி செப்டம்பர் மாதத்திற்கு மாற உள்ளதாகத் தகவல் வெளியாகியுள்ளது.

இந்த நிலையில், வணங்கான் படத்தைப் பார்த்த தயாரிப்பாளர் சுரேஷ் காமாட்சி படம் நன்றாக வந்திருப்பதாகக் கூறியிருந்தார். மேலும், வணங்கான் திரைப்படம் பொதுவெளியில் பேசப்படும் படமாக இருக்கும் என்கிற நம்பிக்கையில் படக்குழுவினர் இருப்பதாகத் தகவல்.