மிரட்டியிருக்கிறார்..! விக்ரமை பாராட்டும் ரசிகர்கள்!

நடிகர் விக்ரம் நடித்த தங்கலான் திரைப்படம் இன்று திரையரங்குகளில் வெளியாகியுள்ளது.

இயக்குநர் பா.இரஞ்சித் இயக்கத்தில் உருவான தங்கலான் படத்தில் நாயகனாக விக்ரம் நடித்திருக்கிறார். இரண்டு ஆண்டுகளாக தயாரிப்பிலிருந்த இப்படம் இன்று உலகளவில் வெளியாகியுள்ளது.

கோலார் தங்கச் சுரங்கம் உருவான விதத்தைக் குறித்து எடுக்கப்பட்ட முதல் திரைப்படமாக உருவான தங்கலானுக்கு பெரிய எதிர்பார்ப்பு நிலவுகிறது.

தமிழகத்தில் இப்படத்தின் முதல்காட்சியைப் பார்த்த ரசிகர்கள், படத்தை பாராட்டி வருவதுடன் நடிகர் விக்ரமின் நடிப்பை வியந்து பேசி வருகின்றனர்.

சண்டைக்காட்சிகளில் விக்ரம் செலுத்திய உழைப்பு அபாரமானது என சிலர் கருத்து தெரிவிப்பதுடன் தேசிய விருதுக்குத் தகுதியான உழைப்பு என சமூக வலைதளங்களில் பதிவிட்டு வருகின்றனர்.