ஆச்சரியப்படுத்தும் புஷ்பா - 2 வசூல்!

புஷ்பா - 2 திரைப்படத்தின் இரண்டாம் நாள் வசூல் குறித்து தகவல் வெளியாகியுள்ளது.

நடிகர் அல்லு அர்ஜூன், ரஷ்மிகா மந்தனா, ஃபகத் ஃபாசில் உள்ளிட்டோர் நடிப்பில் மிகுந்த எதிர்பார்ப்புகளுக்கு மத்தியில் புஷ்பா இரண்டாம் பாகம் திரையரங்குகளில் வியாழக்கிழமை வெளியானது.

படம் வெளியாவதற்கு முன்னதாகவே, ஓடிடி உரிமம், திரையரங்கு உரிமம் என இதுவரைக்கும் இல்லாத வகையில் அதிகமான தொகைக்கு விற்பனை செய்து சாதனை படைத்தனர்.

முதல் நாள் வசூலா ரூ. 294 கோடியை ஈட்டியிருந்த நிலையில், படத்தின் தயாரிப்பு நிறுவனமான மைத்ரி மூவிஸ் இரண்டாம் நாள் வசூலாக புஷ்பா - 2 ரூ. 449 கோடி வசூலித்துள்ளதாகத் தெரிவித்துள்ளது.

இதுவரை வெளியான இந்திய திரைப்படங்களிலேயே முதல் இரண்டு நாளில் இவ்வளவு பெரிய தொகை வசூலித்த திரைப்படம் என்கிற பிளாக்பஸ்டர் சாதனையை புஷ்பா - 2 பெற்றுள்ளது.