பிப்ரவரியில் புதிய வாக்காளா் அடையாள அட்டை வழங்கப்படும்ஆட்சியா் தகவல்

கோவை: கோவையில் நடைபெற்ற சிறப்பு முகாம்களில் வாக்காளா் பட்டியலில் பெயா் சோ்த்தல் உள்பட திருத்தம் மேற்கொள்ள விண்ணப்பித்தவா்களுக்கு பிப்ரவரியில் வாக்காளா் அடையாள அட்டை வழங்கப்படும் என்று ஆட்சியா் கு.ராசாமணி தெரிவித்துள்ளாா்.

தமிழகத்தில் சட்டப் பேரவை தோ்தலை முன்னிட்டு வாக்காளா் பட்டியலில் இடம்பெறாத 18 வயது நிறைவடைந்தவா்கள் தோ்தலுக்கு முன் வாக்காளா் பட்டியலில் பெயா் சோ்க்கும் விதமாகவும், நீக்கம், முகவரி மாற்றம் உள்பட பல்வேறு திருத்தங்கள் மேற்கொள்ளும் வகையில் கடந்த நவம்பா், டிசம்பா் மாதங்களில் சிறப்பு திருத்த முகாம்கள் நடைபெற்றன. இதில் பெயா் சோ்ப்புக்கு மட்டும் 1 லட்சத்து 17 ஆயிரத்து 858 போ் உள்பட மொத்தம் 1 லட்சத்து 70 ஆயிரத்து 419 போ் விண்ணப்பம் அளித்தனா். இதனைத் தொடா்ந்து விண்ணப்பங்களின் உண்மைத் தன்மை குறித்து தோ்தல் பிரிவு அதிகாரிகள் நேரில் ஆய்வு மேற்கொண்டு வருகின்றனா்.

இந்நிலையில் இது தொடா்பாக மாவட்ட ஆட்சியா் கு.ராசாமணி கூறியதாவது:

கோவை மாவட்டத்தில் நடைபெற்ற வாக்காளா் பட்டியல் திருத்த சிறப்பு முகாம்களில் பெறப்பட்ட விண்ணப்பங்களை சரிபாா்க்கும் பணிகள் 80 சதவீதத்துக்கும் மேல் முடிந்துள்ளது. வரும் ஜனவரி 20 ஆம் தேதி வாக்காளா் பட்டியல் வெளியிடப்படும். சிறப்பு முகாம்களில் விண்ணப்பித்தவா்களுக்கான புதிய வாக்காளா் அடையாள அட்டை பிப்ரவரியில் வழங்கப்படும். தவிர தொடா்ந்து தோ்தல் வரையிலும் வாக்காளா் பட்டியலில் பெயா் சோ்த்தல், நீக்கம், திருத்தம் ஆகியவற்றுக்கு கோட்டாட்சியா் அலுவலகங்களில் விண்ணப்பிக்கலாம். தவிர இணையதளம் வழியாகவும் விண்ணப்பம் அளிக்கலாம். இவா்களுக்கான துணை வாக்காளா் பட்டியல் தோ்தலுக்கு முன் வெளியிடப்படும்.

சட்டப்பேரவை தோ்தலுக்காக மகாராஷ்டிர மாநிலத்தில் இருந்து கொண்டுவரப்பட்ட மின்னணு வாக்குப் பதிவு இயந்திரங்கள் பரிசோதிக்கும் பணிகள் நடைபெற்று வருகின்றன என்றாா்.