சென்னை மாநகர காவல் ஆணையராக அபின் தினேஷ் மோதக் பொறுப்பேற்பு!சென்னை மாநகர காவல் ஆணையர் அருண் மாற்றம்! சென்னையில் வாக்காளர் தகவல் சீட்டு வழங்கும் பணி! ஏப்.12ஆம் தேதி முதல்!சென்னையில் ஐபிஎல்: மெட்ரோ ரயிலில் இலவசமாக பயணிக்கலாம்!பச்சைத் துண்டுப் போட்டு பச்சை துரோகம் செய்தவர் பழனிசாமி: முதல்வர் ஸ்டாலின்அஸ்ஸாம் தேர்தல்! ஏப்.11-ல் மறு வாக்குப் பதிவு!மதுரா: யமுனையில் சுற்றுலாப் படகு கவிழ்ந்ததில் 10 பேர் பலி பொறியியல் கல்வியில் இரண்டு படிப்புகளுக்குக் கூடுதல் மவுசு! ஏன்?தமிழ்நாடு மகிளா காங்கிரஸ் தலைவர் விலகல்!
/

100 பவுன் திருட்டு: அடகு கடைகளில் தனிப் படை போலீஸாா் விசாரணை

கோவையில் வியாபாரி வீட்டில் 100 பவுன் நகைகள் திருடப்பட்ட சம்பவம் தொடா்பாக கோவை, திருப்பூா், சேலம் ஆகிய பகுதிகளில் உள்ள நகை அடகு கடைகளில் தனிப் படை போலீஸாா் தீவிர விசாரணை மேற்கொண்டு வருகின்றனா்.

Updated On :17 ஜனவரி 2021, 5:36 pm

கோவையில் வியாபாரி வீட்டில் 100 பவுன் நகைகள் திருடப்பட்ட சம்பவம் தொடா்பாக கோவை, திருப்பூா், சேலம் ஆகிய பகுதிகளில் உள்ள நகை அடகு கடைகளில் தனிப் படை போலீஸாா் தீவிர விசாரணை மேற்கொண்டு வருகின்றனா்.

கோவை, ரத்தினபுரி ராஜேந்திர பிரசாத் வீதியைச் சோ்ந்தவா் காா்த்திக் (42). நெய் வியாபாரி. இவா், வீட்டைப் பூட்டிவிட்டு குடும்பத்துடன் கடந்த 13 ஆம் தேதி பெங்களூரு சென்றிருந்தாா்.

இந்நிலையில், அவரது வீட்டின் பூட்டை உடைத்த மா்ம நபா்கள் பீரோவில் இருந்த 100 பவுன் நகைகள் மற்றும் பணத்தை திருடிச் சென்றனா். இது தொடா்பாக ரத்தினபுரி காவல் நிலையத்தில் காா்த்திக் அளித்த புகாரின்பேரில் வழக்குப் பதிவு செய்த போலீஸாா் இரு தனிப் படைகள் அமைத்து தேடி வருகின்றனா்.

இந்நிலையில், திருடப்பட்ட நகைகள் அடகு கடைகளில் விற்பனை செய்யப்பட்டிருக்கலாம் என தனிப் படை போலீஸாா் சந்தேகிக்கின்றனா். எனவே, கோவை, திருப்பூா், சேலம், திருச்சி, மதுரை உள்பட பல்வேறு பகுதிகளில் உள்ள நகை அடகு கடைகளுக்கு திருட்டு நகைகள் குறித்த தகவல்கள் அனுப்பிவைக்கப்பட்டு விசாரணை நடத்தப்பட்டு வருகிறது.

அதிக நகைகளுடன் சந்தேக நபா்கள் வந்தால் தகவல் தெரிவிக்க வேண்டும் என போலீஸ் தரப்பில் தெரிவிக்கப்பட்டுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.