முப்படையினருடன் தீபாவளி கொண்டாடும்: நிர்மலா சீதாராமன்

மத்திய பாதுகாப்புத் துறை அமைச்சர் நிர்மலா சீதாராமன் முப்படை வீரர்களுடன் இணைந்து தீபாவளிப் பண்டிகையை கொண்டாட இருக்கிறார்.
இது தொடர்பாக பாதுகாப்புத் துறை அமைச்சக வட்டாரங்கள் கூறியதாவது:
இந்தியாவின் மும்படைகளும் நிலைகொண்டுள்ள ஒரே இடமான அந்தமான்}நிகோபார் தீவுகளுக்கு வரும் 18}ஆம் தேதி அமைச்சர் நிர்மலா சீதாராமன் செல்கிறார். அங்கு, வட இந்தியாவில் தீபாவளிப் பண்டிகை கொண்டாடப்படும் தினமான 19}ஆம் தேதி, முப்படையினருடன் இணைந்து பண்டிகையை அவர் கொண்டாட இருக்கிறார். தொடர்ந்து முப்படைகளின் செயல்பாடுகளையும் அவர் ஆய்வு செய்கிறார்.
வரும் 24, 25}ஆம் தேதிகளில் பிலிப்பின்ஸ் நாட்டுக்கு நிர்மலா சீதாராமன் பயணம் மேற்கொள்ள இருக்கிறார். அந்நாட்டுத் தலைவர்களுடன் ராணுவ ஒத்துழைப்பு குறித்து அவர் பேச்சு நடத்த இருக்கிறார். பாதுகாப்புத் துறை அமைச்சரான பிறகு அவரது முதல் வெளிநாட்டுப் பயணம் இது என்று தெரிவிக்கப்பட்டுள்ளது.