கர்நாடகம் : பாலியல் வன்கொடுமைக்கு ஆளான குழந்தை தற்கொலை

பெங்களூரு, ஆகஸ்ட் 10 : கர்நாடகத்தின் தார்வாட் மாவட்டத்தில் பாலியல் வன்கொடுமை செய்யப்பட்ட குழந்தை தற்கொலை செய்து கொண்டார்.

இது குறித்து காவல்துறை அதிகாரி ஒருவர் கூறுகையில், கடந்த ஜூலை 30 ஆம் தேதி தார்வாட் கிராமம் போகூரிலுள்ள கோவிலுக்குச் சென்று கொண்டிருந்த 8 ஆம் வகுப்பு படிக்கும் 13 வயது சிறுமியை பாலியல் வன்கொடுமை செய்தனர்.

வீட்டிற்கு சென்ற சிறுமி தன் தாயிடம் நடந்ததைக் கூறிவிட்டு, தனது அறைக்குச் சென்று விஷம் குடித்து தற்கொலை செய்துக் கொண்டார். பின்னர், மருத்துவமனைக்கு கொண்டு செல்லப்பட்ட குழந்தை சிகிச்சைப் பலனின்றி உயிரிழந்தார்.

இந்த வன்கொடுமை செய்த குற்றவாலியை ஏற்கனவே கைது செய்துவிட்டோம் என தெரிவித்தார்.

இச்சம்பவம் குறித்து அமைச்சர் ஜெகதீஷ் ஷெட்டார் வெளிட்ட சுட்டுரையில்,
 
தார்வாட் மாவட்டத்தில் உள்ள போகூர் கிராமத்தில் அண்மையில் 13 வயது சிறுமி பாலியல் வன்கொடுமைக்கு ஆளானதால் தற்கொலை செய்த சம்பவம் நடந்துள்ளது.

பாதிக்கப்பட்ட சிறுமியின் குடும்பத்தினரை நான் சந்தித்து அவர்களை ஆறுதல்படுத்தினேன். மேலும் இவர்களுக்கு நீதி கிடைக்க உத்திரவாதம் அளிக்கின்றேன் என்று  கூறினார்.