மும்பையில் வணிக கட்டடத்தில் தீ விபத்து

தெற்கு மும்பையில் 10 மாடி வணிக கட்டடத்தில் புதன்கிழமை அதிகாலை தீ விபத்து ஏற்பட்டதாகத் தீயணைப்பு படை அதிகாரி ஒருவர் தெரிவித்தார்.

மேக்கர் சேம்பர் -1 இல் அமைந்துள்ள கட்டடத்தின் முதல் தளத்தில் இன்று அதிகாலை 4 மணியளவில் தீ விபத்து ஏற்பட்டது.

கட்டடத்தின் முதல் தளத்தில் உள்ள பதிவு அறை, சர்வர் அறை மற்றும் மின்சார வயரிங் அறை ஆகியவற்றில் திடீரென தீப்பிடித்துள்ளது. 

சம்பவ இடத்திற்கு ஐந்து தீயணைப்பு வாகனங்கள் மற்றும் பெரிய டேங்கர்கள் விரைந்து வந்து சுமார் மூன்று மணி நேரத்திற்குப் பிறகு தீயை அணைத்தனர். 

தீ விபத்துக்கான காரணம் இதுவரை கண்டறியப்படவில்லை. கடந்த ஒரு வாரத்திற்குள் மும்பை பெருநகரத்தில் பதிவான இரண்டாவது பெரிய தீ விபத்து இதுவாகும்.