பாஜகவினருக்கு முன்னுதாரணமாக விளங்குபவர் அத்வானி: பிரதமர்

கோடிக்கணக்கான பாஜகவினருக்கும் முன்னுதாரணமாக விளங்குபவர் மூத்தத் தலைவர் எல்.கே.அத்வானி என்று பிரதமர் நரேந்திர மோடி தெரிவித்துள்ளார்.

பாஜக மூத்தத் தலைவர் எல்.கே.அத்வானி இன்று தமது 93வது பிறந்தநாளைக் கொண்டாடுகிறார். இதனிடையே அவருக்கு பிரதமர் நரேந்திர மோடி நன்றி தெரிவித்துள்ளார்.

இது தொடர்பாக சுட்டுரையில் அவர் பதிவிட்டுள்ளதாவது, வாஜபேயி தலைமையிலான ஆட்சியில் உள்துறை அமைச்சராகவும், துணை பிரதமராகவும் அத்வானி சேவையாற்றியவர் என்று குறிப்பிட்டுள்ளார்.

கோடிக்கணக்கான பாஜக தொண்டர்களுக்கும், நாட்டு மக்களுக்கும் முன்னுதாரணமாக இருப்பவர் அத்வானி. அவர் மேலும் பல ஆண்டுகள் வளமுடன் வாழ வேண்டும் என்று பதிவிட்டுள்ளார்.

பாஜகவின் மிக நீண்டகாலத் தலைவராக இருந்த எல்.கே.அத்வானி அக்கட்சியி வளர்ச்சிக்கு மிகமுக்கிய பங்காற்றியவர் என்பது குறிப்பிடத்தக்கது.