அத்வானியின் பிறந்தநாளை கேக் வெட்டி கொண்டாடிய பிரதமர் மோடி

பாஜக மூத்த தலைவர் எல்.கே.அத்வானியின் பிறந்தநாளையொட்டி, பிரதமர் நரேந்திர மோடி நேரில் சென்று அவருக்கு வாழ்த்து தெரிவித்துள்ளார்.

பாஜக மூத்தத் தலைவர் எல்.கே.அத்வானி இன்று தனது 93வது பிறந்தநாளைக் கொண்டாடுகிறார். இதையடுத்து பாஜக மூத்த தலைவர்கள், பல்வேறு அரசியல் கட்சித் தலைவர்கள் அவருக்கு வாழ்த்து தெரிவித்து வருகின்றனர்.

பிரதமர் நரேந்திர மோடி, அத்வானியின் வீட்டிற்கு  நேரில் சென்று வாழ்த்து தெரிவித்துள்ளார். மேலும், கேக் வெட்டி அவரது பிறந்தநாளை கொண்டாடிய புகைப்படங்களை தனது ட்விட்டர் பக்கத்தில் பதிவிட்டுள்ளார் பிரதமர் மோடி. 

முன்னதாக அவர், வாஜ்பேயி தலைமையிலான ஆட்சியில் உள்துறை அமைச்சராகவும், துணை பிரதமராகவும் அத்வானி சேவையாற்றியவர் என்றும் கோடிக்கணக்கான பாஜக தொண்டர்களுக்கும், நாட்டு மக்களுக்கும் முன்னுதாரணமாக இருக்கும் அவர் மேலும் பல ஆண்டுகள் வளமுடன் வாழ வேண்டும் என்றும் பதிவிட்டுள்ளார்.