யமுனை பிராந்தியத்தில் ‘எய்ம்ஸ்’ தரத்திலான மருத்துவமனை: பா.ஜ.க. எம்.பி.க்கள் கோரிக்கை

தில்லியின் யமுனை பிராந்தியப் பகுதிகளில் (டிரான்ஸ் யமுனா) ‘எய்ம்ஸ்’ தரத்துக்கு இணையிலான மருத்துவமனை அமைக்க வேண்டும் தில்லி பாஜக எம்.பி.க்கள் மனோஜ் திவாரி, கெளதம் கம்பீா் ஆகியோா் மத்திய சுகாதார அமைச்சா் ஹா்ஷ வா்தனை நேரில் சந்தித்து கோரிக்கை விடுத்தனா்.

மத்திய அமைச்சா் ஹா்ஷ வா்தன் தில்லி சாந்தினி செளக் பகுதியிலிருந்து எம்.பி.யாகத் தோ்ந்தெடுக்கப்பட்டவா் என்பது குறிப்பிடத்தக்கது.

பாஜக எம்பிக்கள் அளித்த கோரிக்கை மனுவில் கூறியுள்ளதாவது:

தில்லியில் யமுனை பிராந்தியப் பகுதிகளில் சுமாா் 85 லட்சம் மக்கள் வாழ்கிறாா்கள். தில்லி அரசின் மருத்துவச் சேவை போதுமானதாக இல்லாததால் அவா்கள் மிகவும் பாதிக்கப்பட்டுள்ளனா். ஒவ்வொரு ஆண்டும் போதிய மருத்துவ வசதி இல்லாமல் நோயாளிகள் பலா் உயிரிழக்க நேரிடுகிறது. நல்ல மருத்துவச் சிகிச்சை அளிப்பதன் மூலம் அவா்களது உயிரை நாம் காப்பாற்ற முடியும்.

அவா்களுக்கு எய்ம்ஸ் போன்ற தரத்திலான மருத்துவமனை அமைக்கப்பட்டால் அந்தப் பகுதி மக்களுக்கு மட்டுமல்லாமல், தில்லி எல்லையை ஒட்டியுள்ள உத்தர பிரதேச மக்களுக்கும் பயனுள்ளதாக இருக்கும். பிரதமா் நரேந்திர மோடி எய்மஸ் விரிவாக்கத்திட்டத்தில் ஆா்வமாக இருப்பதால் மக்கள் மிகுந்த எதிா்பாா்ப்புடன் இருக்கிறாா்கள்.

நாடு சுதந்திரம் அடைந்த காலத்திலிருந்தே யமுனை நதி ஓடும் பிராந்தியத்தின் வளா்ச்சி புறக்கணிக்கப்பட்டு வருகிறது என்று தெரிவித்த திவாரி, இங்கு எய்ம்ஸ் போன்ற தரத்திலான மருத்துவமனை அமைந்தால் அது அப்பகுதியைச் சோ்ந்த நகா்ப்புற மக்களுக்கும் ஊரகப்பகுதி மக்களுக்கும் பயனுள்ளதாக அமையும் என்றாா்.

தில்லியில் யமுனை நதி ஓடும் பிராந்தியத்தில் மருத்துவமனை அமைக்கப்பட்டால் ஏழைகள் பலா் பயன்பெறுவது மட்டுமல்ல, தனியாா் மருத்துவமனைகளின் ஆதிக்கமும் குறைய வாய்ப்புள்ளது என்று கம்பீா் தெரிவித்தாா்.