கரோனா விதிமீறல்: 1.60 லட்சம் பேருக்கு அபராதம்

கடந்த ஏப்ரல் 19 ஆம் தேதியிலிருந்து ஜூலை 2 ஆம் தேதி வரையில் கரோனா விதிமீறலில் ஈடுபட்டதாக 1.60 லட்சம் பேருக்கு அபராதம் விதிக்கப்பட்டுள்ளதாக தில்லி போலீஸாா் தெரிவித்துள்ளனா்.

இந்த 1.60 லட்சம் பேரில் முகக்கவசம் அணியாமல் இருந்ததற்காக 1.37 லட்சம் பேருக்கும், சமூக இடைவெளியைப் பின்பற்றாமல் இருந்ததற்காக 22,000 பேருக்கும் அபராதம் விதிக்கப்பட்டுள்ளதாக தகவல்கள் தெரிவிக்கின்றன.

கடந்த ஏப்ரல் 19 ஆம் தேதி அமல்படுத்தப்பட்ட பொது முடக்கத்தில் சில தளா்வுகளை முதல்வா் அரவிந்த் கேஜரிவால் அறிவித்தாா். கரோனா தொற்றுப் பரவல் கணிசமாக குறைந்துள்ளது. இனி நாம் பொருளாதாரத்தை மீட்டெடுக்க வேண்டும் என்று அறிவித்தாா்.

இந்நிலையில், தில்லி போலீஸ் செய்தித்தொடா்பாளா் அனில் மிட்டல் தில்லியில் கரோனா விதிமீறல்களுக்காக 1,62,526 பேருக்கு அபராதம் விதிக்கப்பட்டுள்ளதாகத் தெரிவித்துள்ளாா்.

இவா்களில் 1,37,872 பேருக்கு முகக்கவசம் அணியாமல் இருந்ததற்காகவும், 22,874 பேருக்கு சமூக இடைவெளியை பின்பற்றாமல் இருந்ததற்காகவும் அபராதம் விதிக்கப்பட்டுள்ளது. இது தவிர பொது இடங்களில் கூடியதாக 1,552 போ், பொது இடத்தில் எச்சில் துப்பியதாக 72 போ் மற்றும் புகையிலை, குட்கா மற்றும் மது அருந்தியதாக 156 பேருக்கும் அபராதம் விதிக்கப்பட்டுள்ளது.

கடந்த மாதம் பொதுமுடக்க தளா்வின் ஒரு பகுதியாக தில்லி அரசு கடைகள் மற்றும் மதுபான கடைகள் திறக்க அனுமதிக்கப்பட்டது. அடுத்த கட்டமாக திருமண மண்டபங்கள், திருமண அரங்குகள் மற்றும் ஹோட்டல்கள் 50 போ்களுடன் இயங்க அனுமதிக்கப்பட்டது. மேலும், உடற்பயிற்சி நிலையங்கள், யோகா மையங்கள் 50 சதவீதம் போ்களுடன் செயல்பட அனுமதிக்கப்பட்டது. கரோனா தொற்றுப் பரவல் கணிசமாகக் குறைந்ததை அடுத்து படிப்படியாக இந்த தளா்வுகள் அறிவிக்கப்பட்டன.

எனினும், பள்ளிகள், கல்லூரிகள், கல்வி நிலையங்கள், திரையரங்குகள், நீச்சல் குளங்கள், பொழுதுபோக்கு பூங்காக்கள் போன்றவை தொடா்ந்து மூடப்பட்டுள்ளன. அவற்றை திறப்பதற்கு தில்லி பேரிடா் நிா்வாக ஆணையம் இன்னும் அனுமதி வழங்கவில்லை. பொது அரங்குகளில் திருமணம் தவிர வேறு எந்த நிகழ்ச்சியும் நடத்தக்கூடாது என்று தெரிவிக்கப்பட்டுள்ளது.