கர்நாடகத்தில் புதிதாக 18,324 பேருக்கு கரோனா தொற்று

கர்நாடகத்தில் புதிதாக 18,324 பேருக்கு கரோனா வைரஸ் நோய்த் தொற்று இருப்பது புதன்கிழமை உறுதி செய்யப்பட்டுள்ளது.

கர்நாடக கரோனா பாதிப்பு நிலவரம் பற்றிய தரவுகளை மாநில சுகாதாரத் துறை செய்திக் குறிப்பு வெளியிட்டுள்ளது. புதிதாக 18,324 பேருக்கு கரோனா தொற்று இருப்பது உறுதி செய்யப்பட்டதையடுத்து, அந்த மாநிலத்தில் மொத்தம் பாதித்தோர் எண்ணிக்கை 26,53,446 ஆக உயர்ந்துள்ளது.

மேலும் 24,036 பேர் நோய்த் தொற்றிலிருந்து குணமடைந்து வீடு திரும்பியுள்ளனர். இதுவரை மொத்தம் 23,36,096 பேர் குணமடைந்துள்ளனர்.
 
514 பேர் நோய்த் தொற்றுக்கு பலியானதையடுத்து, மொத்த பலி எண்ணிக்கை 30,531 ஆக உயர்ந்துள்ளது.

இன்றைய நிலவரப்படி 2,86,798 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.