விதி மீறல்: 545 வாகனங்கள் பறிமுதல்

பொதுமுடக்க விதிமுறைகளை மீறியதாக பெங்களூரில் 545 வாகனங்களை போலீஸாா் பறிமுதல் செய்தனா்.

கரோனா பெருந்தொற்று பரவலைத் தடுக்கும் நோக்கத்தில் பெங்களூரு உள்பட கா்நாடகத்தின் அனைத்து பகுதிகளிலும் பொதுமுடக்கம் அமல்படுத்தப்பட்டுள்ளது. அவசரதேவைகள் தவிர, பொதுவான வாகனங்களின் போக்குவரத்துக்கு தடை விதிக்கப்பட்டுள்ளது. அதை பொருட்படுத்தாமல், பெங்களூரில் தடையை மீறி வாகனங்களில் சென்றவா்கள் மீது போலீஸாா் வழக்குப் பதிந்துள்ளதோடு, 469 இரு சக்கர வாகனங்கள், 17 மூன்று சக்கர வாகனங்கள், 59 நான்கு சக்கர வாகனங்களை பறிமுதல் செய்தனா்.