ஒருநாள் அது நடக்கும்.. எனது வார்த்தைகளை குறித்துக் கொள்ளுங்கள்: ராகுல் காந்தி

இந்திய ஒற்றுமை நடைப்பயணம் 100வது நாளை எட்டியிருக்கும் நிலையில், பாஜகவை, காங்கிரஸ் கட்சி நிச்சயம் வீழ்த்தும், எனது வார்த்தைகளை குறித்துக் கொள்ளுங்கள் என்று காங்கிரஸ் எம்.பி. ராகுல் காந்தி கூறியுள்ளார்.

ராகுல் காந்தி தலைமையேற்று நடத்தி வரும் இந்திய ஒற்றுமை நடைப்பயணத்தின் 100வது நாள் என்பதால், வெள்ளிக்கிழமை மாலை செய்தியாளர்களை சந்தித்துப் பேசினார்.

இதையும் படிக்க.. 'நக்கலாக சிரித்த பயங்கரவாதி கசாப்': மும்பை தாக்குதலில் உயிர் தப்பியவரின் அனுபவம்

காங்கிரஸ் கட்சி செயலிழந்துவிட்டது என்று கூறுவது தவறானது. எனது வார்த்தையைக் குறித்து வைத்துக் கொள்ளுங்கள். பாஜகவை, காங்கிரஸ் கட்சி நிச்சயம் வீழ்த்தும், ஏனென்றால், கட்சி, போட்டியிலிருந்து அகலவில்லை என்று குறிப்பிட்டார்.

காங்கிரஸ் கட்சியிலிருந்து பல முக்கியத் தலைவர்கள் வெளியேறுவது குறித்த கேள்விக்கு, கட்சியிலிருந்து அவர்கள் வெளியேறுவதற்கு எங்களது வரவேற்புகள், ஏனென்றால் அவர்களால் பாஜகவுக்கு எதிராக போராட முடியாது. மிக்க மகிழ்ச்சி என்று பதிலளித்துள்ளார்.

இதையும் படிக்க.. ''தோற்றால் பரவாயில்லை''.. மனைவியிடம் ரூ.10,000 கடன் வாங்கித் தொடங்கப்பட்ட இன்ஃபோசிஸ்

கடந்த காலங்களில் காங்கிரஸ் கட்சி எந்த தவறும் செய்யவேயில்லை என்று நான் கூறப்போவதில்லை. நான் உள்பட பல காங்கிரஸ் கட்சித் தலைவர்கள் மக்களிடமிருந்து தொலைவாக இருந்துவிட்டனர். இது வெளிப்படையான தொலைவு இல்லை என்றாலும் வலி தரக்கூடியது. தற்போது நடந்து வரும் நடைப்பயணத்தின் மூலம், மக்களின் அந்த வலியை உணர முடிகிறது என்றும் ராகுல் குறிப்பிட்டார்.