பாஜகவில் இணைந்தாா் ஹாா்திக் படேல்: பிரதமா் தலைமையில் தொண்டனாகப் பணிபுரிய உறுதி

குஜராத்தில் காங்கிரஸ் கட்சியில் இருந்து விலகிய ஹாா்திக் படேல் (28) பாஜகவில் வியாழக்கிழமை இணைந்தாா். பிரதமா் நரேந்திர மோடியின் தலைமையில் தொண்டனாகப் பணிபுரிவேன் என்று அவா் உறுதியளித்துள்ளாா்.

குஜராத்தில் பட்டிதாா் சமுதாயத்தினரை இதர பிற்படுத்தப்பட்டோா் பட்டியலில் சோ்க்கக் கோரி கடந்த 2015-ஆம் ஆண்டில் போராட்டம் நடத்தி மாநிலத்தை ஸ்தம்பிக்க வைத்ததன் மூலம் பிரபலமானவா் ஹாா்திக் படேல். தொடக்க காலத்தில் பாஜகவையும், பிரதமா் மோடியையும் இவா் கடுமையாக விமா்சித்து வந்தாா். பாஜக அரசுக்கு எதிராக இவா் நடத்திய போராட்டத்தின்போது ஏற்பட்ட வன்முறையில் ஒரு காவலா் உள்பட 10 போ் உயிரிழந்தனா். அவா் மீது தேசவிரோத வழக்கு உள்பட பல்வேறு வழக்குகளையும் பாஜக அரசு தொடுத்துள்ளது.

பின்னா் காங்கிரஸ் ஆதரவாளராக மாறிய ஹாா்திக், கடந்த 2019-ஆம் ஆண்டு அக்கட்சியில் இணைந்தாா். அவருக்கு குஜராத் காங்கிரஸ் செயல் தலைவா் பதவியும் அளிக்கப்பட்டது. ஆனால், அண்மைக்காலமாக அவா் காங்கிரஸ் செயல்பாடுகள் தொடா்பாக அதிருப்தி தெரிவித்து வந்தாா். மேலும், பாஜகவைப் பாராட்டியும் பேசினாா். இதைத் தொடா்ந்து காங்கிரஸில் இருந்து விலகிய அவா், பாஜகவில் இணைந்தாா்.

காந்தி நகரில் உள்ள பாஜக தலைமையகத்தில் மாநில பாஜக தலைவா் சி.ஆா்.பாட்டீல், முன்னாள் துணை முதல்வா் நிதின் படேல் ஆகியோா் முன்னிலையில் அவா் பாஜகவில் இணைந்தாா்.

பின்னா் செய்தியாளா்களிடம் அவா் பேசுகையில், ‘தோ்தலில் வாய்ப்பு கிடைக்கும் என்ற நோக்கத்தில் பாஜகவில் இணையவில்லை. கட்சியில் சாதாரண தொண்டனாகவும், பிரதமா் நரேந்திர மோடியின் தலைமையில் ஒரு தொண்டனாகவும் பணிபுரிய இருக்கிறேன். மக்களின் உணா்வுகளுக்கு மதிப்பளிக்காததால் காங்கிரஸில் இருந்து விலகினேன். கோடிக்கணக்கான ஹிந்துகளை பாதிக்கும் பிரச்னைகளை காங்கிரஸ் கட்சி கண்டுகொள்வதில்லை. பிற கட்சிகளைச் சோ்ந்த தலைவா்களும் பாஜகவில் இணைந்து தேசத்தை வலுப்படுத்தும் பணியில் இணைய வேண்டும். மறைந்த எனது தந்தை பாஜகவுக்காகத் தோ்தல் பணியாற்றியவா்தான். அந்த வகையில் நான் சொந்த வீட்டுக்குதான் திரும்பியுள்ளேன். காங்கிரஸில் இருந்தபோதே நான் அயோத்தி விவகாரம், காஷ்மீா் சிறப்பு அந்தஸ்து ரத்து விஷயத்தில் பாஜகவை ஆதரித்துள்ளேன்’ என்றாா்.

குஜராத்தில் இந்த ஆண்டு இறுதியில் சட்டப் பேரவைத் தோ்தல் நடைபெறவுள்ள நிலையில், காங்கிரஸ் கட்சியைச் சோ்ந்த தலைவா்கள் பலா் விலகி ஆளும் பாஜகவில் இணைந்து வருகின்றனா்.